-->

ابنة الممثل الهارب محمد شومان تتبرأ منه وتقول «وجودك هو الأذى الوحيد في حياتنا»

ابنة الممثل الهارب محمد شومان تتبرأ منه وتقول «وجودك هو الأذى الوحيد في حياتنا»


قالت إبنة الممثل المصري الهارب محمد شومان خلال فيديو نشرته عبر موقع التواصل الإجتماعي " فيس بوك " بخصوص البيان الذى أصدره والدها الهارب من مصر .

قالت لجين شومان "اضطريت آسفة اعمل الفيديو ده بعد ما تجنبته لسنين، لأسباب كتير اوى منها أن ناس قليلة جدا اللي تعرف أنك بابايا. فعلا كان نفسي أكمل كده ومحدش يعرف.. ده رد على البيان اللي محمد شومان أصدره النهاردة على صفحته"

و أضافت ابنة الفنان محمد شومان  "انا لوجين شومان ابنة محمد شومان اللى أصدر بيان النهاردة بيناشد السلطات أنهم ينقذوا أسرته اللى بيموتوا بالبطئ.. وأنهم يفرجوا عن أخويا من غير أى شروط.. الأول عاوز أعلق على أننا مش أسرتك علشان أنت مجرد اسم على البطاقة. واحنا مالناش صلة بيك.. وقطعنا كل ما له علاقة بيك من 5 سنين.. وابنك اللى بتناشد السلطات علشان تطلعه ماتحملتش مسئوليته من وهو عنده سنة ونص واللى أمه ربته"

وأردفت لجين شومان ، "انت مش رب أسرتنا.. احنا رب أسرتنا أمنا.. انت مش مسئول عننا.. ولا مسئول مننا، مش من حقك تطلع تتكلم بلسانا.. أنت بتتكلم عن أخوك وابنه بس مالكش دعوة بينا.. وبيتحقق معاه علشان يتأكدوا أنه مالوش صلة بيك تماما، وهيطلع.. ماتدخلش أرجوك"

و تابعت ابنة محمد شومان حديثها قائلة "  لو عاوز تعمل صورة الأب، اللى هو عاوز ينقذ أولاده.. انزل وواجه ده بنفسك.. بس ماتبقاش قاعد فى بلد تانية وتتكلم باسمنا.. حاولنا نشيل اسمه.. ونرفع قضايا بس ماعرفناش وبنوجه رسالة للسلطات.. لو هما يعرفوا يساعدونا نعمل ده.. خليكوا معانا.. احنا بنحاول.. وأرجوك ماتتكلمش بلسانا.. وماطلعش بيانات .. انت بتعمل ده بس علشانك".



و إ ختتمت حديثها قائلة "بتتكلم عن فيلم وبتعمله له دعايا على قفانا.. مش عارفة أقولك ايه الحقيقة.. أنت بتقول إن احنا بنموت بالبطئ، ووجوده أذى لينا.. احنا موجودين هنا بإرادتنا.. مافيش أذى من الدولة علينا.. وجودك هو الأذى الوحيد فى حياتنا.. احنا هنا علشان عاوزين نفضل هنا ومن غيرك".

إرسال تعليق